Президент Ұлттық құрылтайдың V отырысында тарихи шешім жариялады
Мемлекет басшысы Қасым-Жомарт Тоқаев Ұлттық құрылтайдың бесінші отырысында сөйлеген сөзінде Қазақстанның саяси жүйесін жаңғыртудың жаңа кезеңін жариялады. Президенттің айтуынша, Қазақстан халқы ассамблеясы мен Ұлттық құрылтай өздерінің тарихи миссиясын табысты орындап шықты.
«Бізге қоғамның дамуына қатысты барлық мәселелер бойынша жалпыхалықтық диалог өткізу үшін жаңа, заманауи және ауқымды платформа қажет. Осыған орай, мен жаңа институт — Қазақстан халық кеңесін құруды ұсынамын», — деді Қасым-Жомарт Тоқаев. Жаңа орган халықтың мүддесін білдіретін жоғары консультативтік құрылым болмақ.
