Жаңа Конституция жобасы: Халық кеңесіне жеке VI бөлім арналды

Бүгін жарияланған Қазақстан Республикасы Конституциясына өзгерістер мен толықтырулар енгізу туралы заң жобасында Қазақстан халық кеңесіне жеке VI бөлім арналғаны белгілі болды. Бұл Кеңестің жай ғана кеңесші орган емес, конституциялық мәртебесі бар маңызды институт екенін айғақтайды.

Жобаға сәйкес, Кеңес 126 мүшеден тұрады. Оның құрамына этномәдени бірлестіктер, ірі қоғамдық ұйымдар және аймақтық мәслихат өкілдері тең пропорцияда (42 адамнан) кіреді. Ең басты жаңалық — Кеңеске заң шығару бастамасы құқығы берілмек. Бұл халық өкілдеріне ел тағдырын шешетін заңдарды тікелей ұсынуға мүмкіндік береді.