Институционалдық трансформация: ҚХА-дан Халық кеңесіне өту кезеңі басталды

Қазақстан ауқымды мемлекеттік трансформация қарсаңында тұр. 30 жыл бойы еліміздегі этносаралық келісімнің тірегі болған Қазақстан халқы Ассамблеясы (ҚХА) жаңа конституциялық мәртебеге ие болып, Халық кеңесіне айналады.

Бұл жай ғана атауды өзгерту емес, бұл — қоғамдық диалогқа нақты саяси салмақ беру. Егер бұрын Ассамблея негізінен қоғамдық-кеңесші қызмет атқарса, жаңа институт мемлекеттік басқарудың жаңартылған архитектурасына толықтай кіріктіріледі. Реформаның басты ерекшелігі — этникалық топтардың өкілдері енді заң шығару үдерісіне шектеулі квоталар арқылы емес, жүйелі түрде, тікелей қатысу мүмкіндігін алады.