Халық Кеңесінің төрағасы Маңғыстаудағы қазаға көңіл айтты
Қазақстан Халық Кеңесінің төрағасы Ерлан Қошанов Маңғыстау облысында әскери оқу-жаттығу кезінде қаза тапқан әскери қызметшілердің туған-туыстары мен жақындарына көңіл айтты. Бұл туралы ол өзінің Facebook парақшасында жазды, деп хабарлайды HALYQ-KENESI.KZ ақпарат агенттігі.
«Маңғыстау облысында оқу-жаттығу кезінде орын алған қайғылы оқиға салдарынан қаза тапқан әскери қызметшілердің туған-туыстары мен жақындарына қайғырып, көңіл айтамын», – деп жазды Ерлан Қошанов.
Халық Кеңесінің төрағасы Мемлекет басшысының тапсырмасымен оқиғаның мән-жайын толық анықтау және қаза болғандардың отбасыларына қажетті көмек көрсету мақсатында Үкіметтік комиссия құрылғанын да атап өтті.
«Мемлекет басшысының тапсырмасымен оқиғаның мән-жайын толық анықтау және қайтыс болған жандардың отбасыларына қажетті көмекті көрсету мақсатымен Үкіметтік комиссия құрылды», – деді Ерлан Қошанов.
